Wie is ons? Ons is mense. Mense met vehale. Verhale van pyn en pret, liefde en hartbreek, twyfel en hoop, sege en smart. John James is twee van hierdie mense wat met hulle musiek en uit hulle verhale as spieël vir die wêreld wil uitbeeld wat eggo in ewigheid. Die sing-rap duo is terug met ‘n kragtige boodskap van hoop en eenheid. Waar die musiekbedryf een van die is wat die hardste getref is deur die pandemie, het John James besluit om dit in iets positiefs te verander deur al hulle frustrasies te fokus om iets te skep eerder as om te vernietig. Hulle nuutste enkelsnit, Almal Saam Alleen maak dit duidelik dat hulle hier is om mense se gemoed te lig en die video wat die song ondersteun doen juis dit terwyl dit jou sal los met hoendervleis.
